गजल --- नेपाल छ

गजल

विश्व मान चित्र भित्र एउटा देश नेपाल छ
सधैं भरी आपस मा कलहले  बेहाल छ

गरि खाने भन्दा पनि चन्दा मागी खाने धेरै
जता ततै डर धम्की आतंक को सन्जाल छ

सुकिला र मुकिला ति झट्ट हेर्दा राम्रा लाग्ने
सम्पत्ति को धनी तर बिचार मा कंगाल छ

सेतो कालो परिभाषा ब्यक्ति पिच्छे बेग्ला बेग्लै
बुद्धिजिबी हरु बिचै यस्तो किन बेताल छ

गास बास शिक्षा दीक्षा सबै दिन्छौं भन्छन् भन्न
भड्काउने भाषण यो सुन्दा लाग्छ कमाल छ

 अज्ञात पाल्पाली

गजल ---- आउ प्रिय

गजल ---- आउ प्रिय 
सागरको किनारमा , पर्खी बस्छु तिमी लाई, भेट्न  भनी लुकी लुकी, बगरमा आउ प्रिय
एक्लै हुन पर्‍यो भने, यात्रा गर्न गार्हो हुन्छ, साथी बनी साथ दिन, सफरमा आउ प्रिय

शहर मा घुम्न जाऊँ , रमाउदै झुम्न पाऊँ, हर पल हर क्षण, हाँसी हाँसी  काट्न पाऊँ
यतै राम्रो उतै राम्रो ,जति घुम्यो घुमु लाग्ने, झिलिमिली रमाइलो, शहरमा आउ प्रिय

दु:खै काट्नु परे पनि, सुखै साँट्न पाए पनि, मात्रै तिमी संगै साँट्ने,यौटै मेरो रहर छ
तिमी बिना अधुरो छु, तिमी बिना अपुरो छु, मेरा सारा अधुरा यी , रहरमा आउ प्रिय

म हुँ सिता राम तिमी, शिसिर को घाम तिमी, ताप देउ राप देउ, मेरा अंग अंग भरि
तापी रहुँ जस्तो लाग्ने, पहारिलो घाम बनी ,सुनौलो यो बिहानी को, प्रहरमा आउ प्रिय

तिमी छैनौ संसार नै, छैन जस्तो लाग्छ अनि, त्यसैले त आँखा हरू, बन्द गरि बस्ने गर्छु
हेर अब आई  सकेँ, यदि तिम्ले  भन्छौ भने, आँखा खोली हेर्छु मैले, नजरमा आउ प्रिय  


अज्ञात पाल्पाली

गजल - फूल मेरी आमा !

गजल - आज माता तिर्थ औंसी आमा लाई यसरी सम्झिएँ

संसार कै सुन्दर यौटा फूल मेरी आमा!
पुर्णिमा मा उदाउने जून मेरी आमा!

जलप को कुरै छोड कसी पनि पर्दैन्
सम्झे हुन्छ अकबरी सुन मेरी आमा!

कुनै दिन कमी छैन उन्को ममता मा
माया अनि ममता की मूल मेरी आमा!

बोली सुन्दै रमाउछु काख् मा निदाउछु
मन्त्र मुग्ध बनाउने धुन मेरी आमा!

पाउ पर्छु सेवा गर्छु सधैं यसै गरि
कहिल्यै नि पर्ने छैन रुन मेरी आमा!

अज्ञात पाल्पाली

गजल -- "लाखौं शुभ कामना छ "

गजल

गजल

कस्तो गरौ देश- लाइ सेवा हाम्रै हो
जस्तो गर्यौ त्यस्तै फल्छ मेवा हाम्रै हो

रम्नु पर्छ जम्नु पर्छ आफ्नै आगन्मा
दिए आगन प्रकृतिले फेवा हाम्रै हो

श्रम गरी खुशी हौला भरी  ढुकुटी
लाने छैन पराइले पेवा हाम्रै हो

बैरी छिर्न दिनु हुन्न आफ्नो घरमा  
सुक्ष्म हेक्का राख्नै पर्छ चेवा हाम्रै हो  

ढल्यो अनी फुट्यो भन्ला देश अरुले
हैन ढल्ने छैन यो त टेवा हाम्रै हो

                                                                          बुद्धी मोक्तान

गजल - चक्कर निको लाग्यो

गजल

होस भन्दा बेहोसीको चक्कर निको लाग्यो/
साचै भनौ  पुर्पुरोको ठक्कर निको लाग्यो//

हार्ने छैन सक्दो देऊ, अप्ठ्यारो भिर,पिर,
सक्छु जुध्न चट्टानको,टक्कर निको लाग्यो//

खोटो रै'छ  लेखान्त नै ,गुनासो  छैन केही ,
मिस्री भन्दा त! भागको सक्खर निको लाग्यो//

दुर-दुर   देखिदैन, पालुवा  आशा  भर्ने,
आत्मा सरि उडिरा'को,पत्कर निको लाग्यो//

देखे अझ  बढिरा'को,खाडल  मेरा लागि,
हाँसी -हाँसी स्वागत छ,लस्कर निको लाग्यो//

                                                      "कल्पना राई "

गजल -तिमी सँग हुन मन छ

गजल

मलाई त तिम्रो अङ्ग  हुन मन छ ,
सधै भरी तिमी सँग हुन मन छ /

कल्पनाको बाटो धेरै हिडि सकेँ ,
सन्तुस्टीले आज दङ्ग हुन मन छ /

प्रेम प्याला जडित कोमल तिम्रो ,
गुलाबी ओठको रंग हुन मन छ /

लुकाएर राखुँ कति अनौठो पिडा ,
मन मुटु सबै छर्लङ्ग हुन मन छ /

नभन है अस्लील भयो समिर ,
बाहुमा तिम्रो सर्बाङ्ग हुन मन छ /

          ****

साथी समिर
झापा

 31/03/2012

गजल

गजल

ठाडो घाट जङ्घार मा, छोडी जाने निर्मोहीको, याद्ले किन सताउछ ?
दोबाटोमा यात्रा अन्तै, मोडी जाने निर्मोहीको, याद्ले किन सताउछ ?

पिरतीको चिनो भनी, रोपेका थ्यौं फूल्को बोट, फुल्ने बेला हुँदै थियो
फुल्नै अघि जरै देखि, गोडी जाने निर्मोहीको, याद्ले किन सताउछ ?

स्वयंवर् को घुम्टो पनि, बाहनामा फ्याँकी दियौ, जे जे गर तिम्रै खुशी
पराई को जुठो  घुम्टो, ओढी जाने निर्मोहीको, याद्ले किन सताउछ ?

सयौं सयौं जुनी सम्म, तिम्रै हुँ म भने पनि, झुठो रै'छ उन्को कुरा
यता हैन उता नाता, जोडी जाने निर्मोहीको, याद्ले किन सताउछ ?

भगवान साक्षी राखी, बाँचा गरी तोड्ने सँग, कस्को के नै लाग्दो रै'छ
गरेका ती बाँचा सबै, तोडी जाने निर्मोहीको, याद्ले किन सताउछ ?

अज्ञात पाल्पाली