Saturday, June 25, 2011

कविता - "भाङ भुसडा सभासद भए"

कविता -  "भाङ भुसडा सभासद भए"
 

भाङ भुसडा सभासद भए

रातो पासपोर्ट बेचेर खाए

अदालतमा मुद्धा चल्यो
सजायमा  मन्त्री पाए


जनताले रगत बगाइ
नेपालमा गणतन्त्र ल्याए
गर्नु सम्म दु:ख गरे
आखिर मा के नै पाए

निमुखा का शासक अरे
मोज गर्न बिदेश धाए
राम्रा कुरा उतै छोडी
सुन बोकी घर आए

राष्ट्रिय गीत गाउन छोडी
मस्की मस्की दोहोरी गाए
देश का गहना भन्ने हरु
तिनीहरु कै पछि लाए

अज्ञात पाल्पाली

भाग १६

घायलको तरही मुसायरा सफलताको कामना गर्दै को लागि मैले गजल  यसरी लेखेँ जितु  सर ! लाई धन्यबाद
गजल:  जीतु खड्का 'गाउँले'
मिसरा: सहयात्री नरनारी जीन्दगीको गोरेटोमा
काफिया:नारी
रदिफ: जीन्दगीको गोरेटोमा
लय: सहयात्री /नरनारी //जीन्दगीको /गोरेटोमा
लय: ४+४+४+४=१६

गयौ किन बिच पारी जिन्दगीको गोरेटोमा
सधैं लाई माया मारी जिन्दगीको गोरेटोमा

खोजेँ मैले तिम्रो साथ एक्लै हिंड्न गार्हो हुँदा 
सहयात्री नर नारी जिन्दगीको गोरेटोमा

भन्न लाई भन्ने गर्थ्यौ संगै बसौं संगै हिडौं
तर भयौ वारी पारी जिन्दगीको गोरेटोमा

बोल्न खोज्दै कुरा रोक्यौ अनि फेरि मौन बस्यौ
आनाकानी गर्दै टारी जिन्दगीको गोरेटोमा

धेरै माया गर्दा गर्दै टाढा भयौ हेर्दा हेर्दै
किन बास अन्तै सारी जिन्दगीको गोरेटोमा

अज्ञात पाल्पाली

गजल- पराइको खुशी संगै नाँच्न पनि मानेन मन

मिसरा -पराइको खुशी संगै नाँच्न पनि मानेन मन
काफिया - नाँच्न
रदिफ - पनि मानेन मन
लय - ४+४+४+५=१७

छोडी गयौ /एक्लै पारी //हाँस्न पनि /मानेन मन
पराइको /खुशी संगै /नाँच्न पनि /मानेन मन

रोपें फूल /फुल्ला भनी //काँडा बनी /पलाई दियौ 
आफै रोपी /आफै डाली //भाँच्न पनि /मानेन मन

आफु जस्तो /उस्तै सम्झें //जाली रै'छौ /आखिर तिमी
जाँच्नु पर्ने /तिम्रो बानी //जाँच्न पनि /मानेन मन

बगी गए /आँशु सबै //तिमी लाई /सम्झिदै रुँदा 
हर्ष लाई /भन्दै आँशु //साँच्न पनि /मानेन मन

तड्पिएर /बाँचु कति //सधैं भरि /घायल सरि
मर्छु होला /अब म त //बाँच्न पनि /मानेन मन

भाग - १५

मिसरा -पराइको खुशी संगै नाँच्न पनि मानेन मन
काफिया - नाँच्न
रदिफ - पनि मानेन मन
लय - ४+४+४+५=१७


छोडी गयौ /एक्लै पारी //हाँस्न पनि /मानेन मन
पराइको /खुशी संगै /नाँच्न पनि /मानेन मन

रोपें फूल /फुल्ला भनी //काँडा बनी /पलाई दियौ
आफै रोपी /आफै डाली //भाँच्न पनि /मानेन मन

आफु जस्तो /उस्तै सम्झें //जाली रै'छौ /आखिर तिमी
जाँच्नु पर्ने /तिम्रो बानी //जाँच्न पनि /मानेन मन

बगी गए /आँशु सबै //तिमी लाई /सम्झिदै रुँदा
हर्ष लाई /भन्दै आँशु //साँच्न पनि /मानेन मन

तड्पिएर /बाँचु कति //सधैं भरि /घायल सरि
मर्छु होला /अब म त //बाँच्न पनि /मानेन मन

Thursday, June 16, 2011

गजल - " माया गर्दा गर्दै गयौ " - अज्ञात पाल्पाली

गजल - " माया गर्दा गर्दै गयौ " - अज्ञात पाल्पाली

आफ्नै भन्दा धेरै माया गर्दा गर्दै गयौ
अधरमा खुशी हरु भर्दा भर्दै गयौ

तिमी लाई माया गरेँ तिम्रै भर परेँ
सधैं भरि तिम्रै भर पर्दा पर्दै  गयौ

झर्छौ भनि कुर्दै थिएँ तिमी लाई मैले
सिमलुको भुवा जस्तै झर्दा झर्दै गयौ

ठाडो घाट जङ्घारमा सँगै तरौं भन्थ्यौ
जिन्दगीको जङ्घारमा तर्दा तर्दै गयौ

सँग सँगै बस्दा बस्दै परपर सर्यौ
अलि अलि परपर सर्दा सर्दै गयौ

अज्ञात पाल्पाली

Tuesday, June 14, 2011

भाग -१४

गजल:  बिष्णुनन्द चाम्लिङ्ग
मिसरा: नेपाल आमा खोल्छिन् मुठी मेरो रचनामा
काफिया:  मुठी
रदिफ: मेरो रचनामा
लय: नेपाल आमा/खोल्छिन् मुठी//मेरो /रचनामा
५+४+२+४=१५
 
मित्रता राम्रो जडिबुटि मेरो रचनामा
सबै मानिस हेर उठी मेरो रचनामा

लेखी दिउँ कि रिषिमुनि बस्ने ठाउँ भनी
सुन्दर अनि शान्त कुटि मेरो रचनामा

सबैको उस्तै हक हुन्छ ब्यक्तिको त हैन
सम्पत्ति हो यो साझा गुठी मेरो रचनामा

जनता लाई अधिकार किन दिन्नौ भन्दै
नेपाल आमा खोल्छिन् मुठी  मेरो रचनामा

'पाल्पाली'लाई मनपर्ने राम्रो आनिबानी
सुधार गरौं सबै जुटी मेरो रचनामा

अज्ञात पाल्पाली

Sunday, June 12, 2011

गजल - " मर्यो भन्दै हिड्छौ अरे "

आज को कमाई जस्ता को तस्तै यो गजल - " मर्यो भन्दै हिड्छौ अरे "

मर्यो भन्दै हिड्छौ अरे मरे छैन तर म त
झर्यो भन्दै हिड्छौ अरे झरे छैन तर म त

मैले साथ छोडे पछि यात्रा अन्तै मोडे पछि
बिच पर्‍यो सम्झे हौली परे छैन तर म त

एकै क्षण नदेख्दैमा केहि दिन नभेट्दै मा
बासै सरे जस्तो लाग्ला सरे छैन तर म त

दिएँ बरु सबै चिज लिए छैन केहि कतै
सबै हर्यो भने पनि हरे छैन तर म त

तिमी लाई लाग्ला फेरि डराएर टाढा भयो
कहिल्यै नि तिमी सँग डरे छैन तर म त

अज्ञात पाल्पाली

Sunday, June 5, 2011

भाग -१३

गजल: प्रभा आचार्य
मिसरा: स्वाभिमानी नेतृत्वको आस्थालाई ढलाउनु हुन्न
काफिया: ढलाउनु
रदिफ: हुन्न
लय: स्वाभिमानी/नेतृत्वको//आस्थालाई/ढलाउनु/हुन्न
४+४+४+४+२=१८

माया फल्ने हृदयमा घृणा हरु फलाउनु हुन्न
आपसमा कहिल्यै नि वैरभाव पलाउनु हुन्न

तिम्रो जस्तै हाम्रो पनि बाँच्ने उस्तै अधिकार हुन्छ
बिचारको बिरुद्ध मा अधिकार गलाउनु हुन्न

रगतको रंग उस्तै चोट लाग्दा दुख्ने पीडा उस्तै
जातियता आधरमा सत्ता भत्ता चलाउनु हुन्न

मिलीजुली बसौं हामी तिम्रो मेरो सुख दु:ख बाडौं
आफ्नै मन भित्र भत्रै दु:ख हरु जलाउनु हुन्न

आशा राखौं अझैं पनि असल नेता आउला भनी
स्वाभिमानी नेतृत्वको  आस्था लाई ढलाउनु हुन्न

अज्ञात पाल्पाली

Thursday, June 2, 2011

गजल - " खुरापाती नेताहरु " -अज्ञात पाल्पाली

अब त नेताहरु लाई केहि नभनु भनेको आज फेरि मन मानेन यसरी सुरु गरेँ

गजल - " खुरापाती  नेताहरु " -अज्ञात पाल्पाली

तिमीहरु भोज गर्ने, खुरापाती  नेताहरु
हामी भने भोकै मर्ने ,खुरापाती  नेताहरु

संबिधान लेख्छौ भनी, फेरि थप्यौ म्याद अझैं
कति दिन भर पर्ने, खुरापाती  नेताहरु 

हाम्रै पैसा बाट लत्ता, हाम्रै पैसा बाट भत्ता
सधैं आफ्नै खल्ती भर्ने, खुरापाती नेताहरु

जनताका अधिकार, लुटी सक्यौ खुशी सबै
जनताको खुशी हर्ने, खुरापाती  नेताहरु

निमुखाका कुरा गर्छौ, महलमा बास सर्छौ
महलमा बास सर्ने, खुरापाती  नेताहरु

    अज्ञात पाल्पाली