गजल

गजल

आजै जान्छु भोली देखि बिहानीमा खोजे प्रिय !
अब सधैं बियोगान्त कहानीमा खोजे प्रिय !

नाता तोड्ने मौन चाह मैले चाल पाई सकेँ 
छिट्टै फेरी अर्को साथी जवानीमा खोजे प्रिय !

बिपनी मा नदेखे नी सपनिमा देख्न सक्छौ
देख्यौ भने ब्युँझिएर सिरानीमा खोजे प्रिय !

सधैं भरी तिमीलाई गल्ति मेरै जस्तो लाग्ला
एक पल्ट फर्की आफ्नै बैमानीमा खोजे प्रिय !

यदि यौटै लक्ष्य तिम्रो बाँकी अस्तु हेर्ने भए
मेरो लास जले पछि खरानीमा खोजे प्रिय !

अज्ञात पाल्पाली

गजल ....

गजल

ज्ञानको ज्योति बालेर हेर
रिस र राग फालेर हेर

पागल बन्छ भ्रममा मान्छे
भ्रम को खम्बा ढालेर हेर

संसार आफै सुन्दर देख्छौ
माया र स्नेह पालेर हेर

फरक हुन्छ सुनको जात
नम्बरी हो की गालेर हेर

शुभ छ काम बिस्तरै किन ?
यति नै बेला थालेर हेर


  ©  सर्वाधिकार     अज्ञात पाल्पाली

गजल

गजल

मलाई नै खोज्दै कुनै शहरमा छौ कि ?
माछी जस्तै छट्पटिंदै बगरमा छौ कि ?

धर्ती भरि कतै पनि तिम्रो स्वर छैन
बादल झैं मडारिंदै सगरमा छौ कि ?

तल तल खोजी रहेँ मोती  भनी मैले   
तर तिमी माथी माथी लहरमा छौ कि?

असिमित तिम्रा चाहा बढ्दै होला अझै
 मृग तृष्णा  पुरा गर्ने रहरमा छौ कि ?

अन्तिममा बाँकी अब विष मात्रै रह्यो
खाई हेर्छु एक फेर जहरमा छौ कि ?

अज्ञात पाल्पाली

गजल

दिब्य दृष्‍टि  हजुर कै नजरमा छु म
ऐना ल्याई हेर्नुहोस् त अधरमा छु म

धर्ती भरि चर्चा मेरो आकाशमा बास
सन्ध्या संगै उदाउँछु सगरमा छु म

माछी हुँ म पानी बिना कसो गरि बाँचु ?
पर्खी र'छु तड्पी तड्पी बगरमा छु म

छाल बनी उर्लिंदैछु मैले पनि खोज्दै
तल हैन माथी माथी लहरमा छु म

मेरो पनि उस्तै चाहा भेटुँ भेटुँ ला'छ
जहरमा नखोज्नु है रहरमा छु म

अज्ञात पाल्पाली