गजल
आजै जान्छु भोली देखि बिहानीमा खोजे प्रिय !
अब सधैं बियोगान्त कहानीमा खोजे प्रिय !
नाता तोड्ने मौन चाह मैले चाल पाई सकेँ
छिट्टै फेरी अर्को साथी जवानीमा खोजे प्रिय !
बिपनी मा नदेखे नी सपनिमा देख्न सक्छौ
देख्यौ भने ब्युँझिएर सिरानीमा खोजे प्रिय !
सधैं भरी तिमीलाई गल्ति मेरै जस्तो लाग्ला
एक पल्ट फर्की आफ्नै बैमानीमा खोजे प्रिय !
यदि यौटै लक्ष्य तिम्रो बाँकी अस्तु हेर्ने भए
मेरो लास जले पछि खरानीमा खोजे प्रिय !
अज्ञात पाल्पाली
No comments:
Post a Comment