गजल - " माया गर्दा गर्दै गयौ " - अज्ञात पाल्पाली
आफ्नै भन्दा धेरै माया गर्दा गर्दै गयौ
अधरमा खुशी हरु भर्दा भर्दै गयौ
तिमी लाई माया गरेँ तिम्रै भर परेँ
सधैं भरि तिम्रै भर पर्दा पर्दै गयौ
झर्छौ भनि कुर्दै थिएँ तिमी लाई मैले
सिमलुको भुवा जस्तै झर्दा झर्दै गयौ
ठाडो घाट जङ्घारमा सँगै तरौं भन्थ्यौ
जिन्दगीको जङ्घारमा तर्दा तर्दै गयौ
सँग सँगै बस्दा बस्दै परपर सर्यौ
अलि अलि परपर सर्दा सर्दै गयौ
अज्ञात पाल्पाली
No comments:
Post a Comment