गजल -- तिमी अँधेरीमा आऊ

गजल

भेट्ने चाह भए तिमी अँधेरीमा आऊ
पर्खी बस्छु बाटो हेरी पधेरिमा आऊ  


कोइली झैँ भाका तानी मधुर ति स्वर
 वनै भरि फैलाउदै सुस्केरीमा आऊ


हाम्रो प्रेम देखि सबै डाह गर्न थाले
टाडा रहुँ ति नजरमा पखेरिमा आऊ


जहाँ यस्तो ठाउँ होस हाम्रो माया मौलाउन्
सुस्त पवन संगै खेलौ सल्लेरीमा आऊ


दुख सुख गरि खाऊ मरे संगै मारौला
घर छोडी मेरो दिलको मझेरीमा आऊ


पिवन कन्दङ्वा लिम्बू 
आठराइ- छातेढुङ्गा- तेह्रथूम