तुवाँलोले नढाकिए घाम किन खोज्थें
सत्य यहाँ पच्ने भए राम किन खोज्थें
तृष्णा मेरो जिन्दगीमा अधुरो नै रह्यो
तृप्त भा'को भए वर्षा याम किन खोज्थें
रहेछ यो जिन्दगानी अभावको खानी
मन साटी चल्ने भए दाम किन खोज्थें
सम्झनामा तड्पिएर बाँच्न गाह्रो हुन्छ
समिपैमा भए तिमि खाम किन खोज्थें
जुधाई हो जिन्दगानी लड्नै पर्छ हरपल
बसी बसी पुग्ने भए काम किन खोज्थें
पुर्खाजको महत्वनै नहुने भो भने
ईतिहाँसको पाना भरि डाम किन खोज्थें
दुनियामा मेरो प्रकाश फैलिएको भए
रोशनीमा "नरेश"को नाम किन खोज्थें
No comments:
Post a Comment