कविता - " ती आँखा मा फुलो परोस " अज्ञात पाल्पाली

कविता - " ती आँखा मा फुलो परोस " अज्ञात पाल्पाली

जनताको रगत र पसिना बाट आर्जेको
देशको ढुकुटी मा आँखा लगाउने को
द्रिश्य शक्ति नै गुमोस
भनेर भन्दिन म
तर यति त भन्छु भन्छु
ती आँखा मा फुलो परोस
ति आँखामा धुलो परोस

भ्रस्टचार गरेर जम्मा पारेको पैसाले
मिठो खाने नेता को
भुँडी नै फुटोस त
भनेर  भन्दिन म
तर यति त भन्छु भन्छु
त्यो खाना ले पखाला चलोस
खपी नस्क्नु पेट दुखोस

आलिशान महलमा
महंगा बस्त्र ओढेर मस्त निदाउदा
महल भत्केर च्याँपोस
भनेर त भन्दिन म
तर यति त भन्छु भन्छु
सपनामा जनताले खेदेको देख्न परोस
र झस्केर होश हवास जाओस

यस्ता मतियारहरु का सन्तान
कु सन्तान भएर जन्मिउन
भनेर त भन्दिन म
तर यति त भन्छु भन्छु
ती सन्तान हरु ले
आफ्नै बुवा आमा लाई हेला गरुन
नसुध्रिए सम्म  घृणा  गरुन

अज्ञात पाल्पाली