गजल
जस्को पायो उस्कै हात समाएर गर्नु गर्यौ
खुले आम सडकमा रमाएर गर्नु गर्यौ
कति तिम्रो भर परे कति धोका पाई मरे
सबै लाई यस्तै बाँचा थमाएर गर्नु गर्यौ
गाउँ बेसि डुल्छौ अरे घरै जान भुल्छौ अरे
जता गयो उतै अड्डा जमाएर गर्नु गर्यौ
एकै क्षण कता गयौ हल्ली खल्ली मात्रै भयो
यसै गरि बदनाम कमाएर गर्नु गर्यौ
सत्य कुरा सोध्न खोजेँ लजाए झैं गरि रह्यौ
अलि अलि भित्र भत्रै सर्माएर गर्नु गर्यौ
अज्ञात पाल्पाली
No comments:
Post a Comment