घायलको तरही मुसायरा भाग १७

गजल:  टेकेन्द्र अधिकारी
मिसरा: थाहा छैन आफैँभित्र ब्वाँसा कति पालेको छु
काफिया: पालेको
रदिफ: छु
लय: थाहा छैन /आफैँभित्र //ब्वाँसा कति /पालेको छु
लय - ४+४+४+४=१६

मन फाट्दा मनले नै धेरै चोटि टालेको छु
आँशु संगै पीडा हरु बगाएर फालेको छु

तिमी टाढा भए पछि एक्लै छोडी गए पछि
एकान्तमा बसी एक्लै टोलाउन थालेको छु

सौन्दर्य त देख्नै हुन्न प्यास बढ्छ त्यसै त्यसै
थाहा छैन आफै भित्र ब्वाँसा कति पालेको छु

खोज्दैछु म अझैं पनि कसै गरि भेट्छु भनी
खोज्दै जाँदा आफै लाई भुमरीमा हालेको छु

खुशी रहे चाहाना भो सुखी रहे कामना भो
मन्दिरमा तिम्रै निम्ति दीयो सधैं बालेको छु

अज्ञात पाल्पाली