घायलको तरही मुसायरा-२'

गजल: सुवाश श्रेष्ठ

मिसरा: अत्याचारको पीडाभित्र पसी  हेर कस्तो हुन्छ

काफिया: पसी

रदिफ: हेर कस्तो हुन्छ

अत्याचारको /पीडाभित्र //पसी हेर /कस्तो हुन्छ

लय: ५+४+४+४=१७

 

नेपाली एकता को डोरी कसी हेर कस्तो हुन्छ
ममता अनि मित्रता मा फसी हेर कस्तो हुन्छ

रगत सबै को रातो हुन्छ प्राण पनि उस्तै नै
जात मा ठुलो सानो लेख्ने मसी हेर कस्तो हुन्छ

पसिना को भेल सधै नै दुई छाक टार्न लाई
पसिना माथि धुलो मैलो घसी हेर कस्तो हुन्छ

भ्रष्टचार गरि गरि सुख सयल गर्ने हरु
महल छोडी झुपडि मा बसी हेर कस्तो हुन्छ

खुशी हुँदै तिमी किन अरु लाई दमन गर्छौ
अत्याचार को पीडा भित्र पसी हेर कस्तो हुन्छ